Польшала дауыл.

Польшаның үҙәк һәм төньяҡ- көнсығыш райондарына көслө дауыл һәм киҫкен елдәр менән ҡойма ямғырҙар ябырылды. Йөҙҙәрсә йорттар зыян күрҙе, тиҫтәләрсә хужалыҡтар электр утынан мәхрүм ҡалды. Әлеге мәлдә автострадаларҙы таҙарталар. Ҡайһы бер райондарҙа, күнәкләп яуған ямғырҙан һуң, урамдарҙы һыу баҫты. Синоптиктар тәбиғәт ҡазаһы ҡабатланыуы ихтимал, тип иҫкәртәләр.