Аргентинала уларҙы “ҡатырға
халыҡ” (cartoneros) тип йөрөтәләр. Рим папаһы Раштыуа байрамы алдынан тап
уларға, ташландыҡ сүп-сар араһынан файҙаға яраҡлы нәмә эҙләүселәргә мөрәжәғәт итте.
Буэнос-Айрес епискобы
булған саҡта уҡ хәйерселек менән әүҙем көрәшсе булараҡ танылыу алған Папа
Франциск бөтә донъялағы ҡалдыҡ-боҫтоҡ менән көн күреүселәргә видеояҙмаһы
ярҙамында мөрәжәғәт итте:
“Беҙ үҙебеҙгә ташландыҡ
сүп-сар араһында соҡоноусыларға тәкәбберләнеп ҡарарға рөхсәт имәҫкә тейешбеҙ.
Беҙҙең культурабыҙҙы “ташландыҡ культура” тип атарға мөмкин, сөнки ул
әйберҙәрҙе генә түгел, кешеләрҙе лә сығарып ташлай,-” тине понтифик үҙенең
мөрәжәғәтендә.
Рәсми мәғлүмәттәр
буйынса, 2002 йылда Аргентинала “ҡатырға халыҡ” 30 мең иҫәпләнгән. Папаның
фекере буйынса, ҡалдыҡ-боҫтоҡто сортировкалауҙың йәмғиәттә экологик функцияһы
бар, күп итеп, уйлап-нитеп тормай ҡулланырға күнеккән йәмғиәткә был яман
ғәҙәттән ҡотолоу зарур.
Комментариев нет:
Отправить комментарий