среда, 12 марта 2014 г.

Шри-Ланка йәлләтһеҙ ҡалды.


Шри-Ланканың лайыҡлы йәлләт табыу ниәте уңышһыҙ тамамланды: уҙған аҙнала яңы вазифаға тәғәйенләнгән йәлләт үҙ бурыстарын үтәп тә тормай эштән китте.
Яңы хеҙмәткәр ике аҙна буйы уҡыуҙа була, шунан уға дар ағасын күрһәтәләр: ир бик ныҡ ҡурҡа, ҡайғыра һәм шунда уҡ отставкаға китә.
Юстиция министрлығының холоҡ төҙәтеү учреждениелары департаменты белдереүенсә, “икенсе юлы яңы хеҙмәткәрҙәргә әҙерлек үткәрерҙән алда дар ағасын күрһәтәсәктәр.”
Шри-Ланка лайыҡлы кандидатты 2012 йылдан, йәлләттәрҙең береһе юғарыға үрләп, икенсеһе хаҡлы ялға киткәне бирле эҙләй. Шуныһы ҡыҙыҡ: үлем язаһы 2004 йылда ҡайтанан тергеҙелһә лә, 1976 йылдан алып бер кем дә үлем язаһына тарттырылмаған.


Комментариев нет:

Отправить комментарий