понедельник, 3 августа 2015 г.

Мексика: журналисты үлетереүгә ҡаршы күп меңлек акция.


Мехикола һәм Веракрус штатының баш ҡалаһында меңдәрсә кеше фотожурналист Рубен Эспинозаны үлтереүҙәре айҡанлы ҡаршылыҡ акцияһына сыҡты. Уның һәм тағы 4 ҡатындың кәүҙәһен йома көн Мехикола тапҡандар: улар барыһы ла бәйле булған һәм баштарына атып үлтерелгән.

Көн элгәре Мехико прокуроры журналистың көс ҡулланылып һәләк ителеүен раҫлаған. Ҡайһы бер мәғлүмәттәр буйынса, Эспинозаны үлеме алдынан язалағандар.

-Йөҙҙән ашыу журналистың ғүмере киҫелде, шуға күрә Мексика журналистар өсөн хәүеф кимәле буйынса донъяла өсөнсө урында тора. Ҡыҙғанысҡа ҡаршы, үлтерештәрҙең күпселеге Веракрус штатында.

-Әгәр дөрөҫөн һөйләһәң, һине үлтерәләр. Улар беҙҙе, һатылмаған журналистарҙы үлтерәләр. Беҙҙең коллегаларыбыҙ әленән-әле юҡҡа сыға. Беҙ нимә эшләй алабыҙ? Мин быға яуап таба алмайым,-ти журналист ҡатын.

Бер ай элек Эспиноза Веракрус штаты губернаторы Хавьер Дуарте яғынан хәүеф тойоуын белдергәйне һәм баш ҡалаға күсенгәйне. Фотограф фекере буйынса, хәүеф уның эшенә бәйле: Эспиноза урындағы социаль хәрәкәттәрҙе тикшергән, шул иҫәптән губернатор эшмкәрлегенә тәнҡит күҙлегенән ҡарағандарын да. Үткән йылдың февралендә Эспиноза Дуарте фотоһын эшләгән һәм ул “Веракрус- законһыҙлыҡ штаты” башы аҫтындағы мәҡәлә менән бергә бирелгән булған.














Комментариев нет:

Отправить комментарий