Ғәшүрә: Кербелға изге урындарға ғибәҙәт ҡылыусылар йыйылды.

Ғәшүрә көнөн байрам итеү өсөн, Ирактың изге Кербел ҡалаһына 3 миллионға ҡәҙәр шиғисы йыйылды. Был көндө улар пәйғәмбәребеҙ Мөхәммәт( саллаллаһу ғәләйһи үә сәләм) ейәне имам Хөсәйенде иҫләйҙәр. Риүәйәттәр буйынса, ул 680 йылда Кербелда ғазаплы үлемгә дусар булған. Бындағы кәшәнәлә уның кәүҙәһе һаҡлана. Тәртип һағында тороусы 30 мең хеҙмәткәр ғибәҙәт ҡылырға килеүселәрҙең именлеген һаҡлай. Әлегә бөтәһе лә тыныс бара.