6
августа Рәсәйҙә президент В Путин указы
буйынса аҙыҡ-түлек эмбаргоһына ҡарамаҫтан
илгә килеп эләккән аҙыҡ-түлекте юҡ итеү
башланды. Мәҫәлән, Белгородта санкцияға
эләккән 10 тонна сит ил сыры юҡ ителгән.
Шул рәүешле Рәсәй илдең юридик һәм физик
шәхестәренә ҡаршы иҡтисади санкциялар
индергән дәүләттәргә яуап бирҙе- бер
йыл элек ул илдәрҙән байтаҡ продукттар
индереү тыйылғайны.
Рәсәй
граждандары аҙыҡ-түлекте юҡ итеүгә
нисек ҡарай?
Александр:
“Аҙыҡ-түлекте
яндырғансы, уны файҙаланырға кәрәк, тип
уйлайым.”
Оло
йәштәге үткенсе:
“Юҡ
итеүҙәре, бәлки, һәйбәттер ҙә. Ярамаған
ашанты булыуы ла ихтимал бит.”
Ҡайһы
бер күҙәтеүселәрҙең фекере буйынса,
ололар аҙыҡ-түлек ҡытлығын яҡшы хәтерләгән
илдә ашантыны юҡ итеү халыҡты
ҡыуандырмаясаҡ.
Политолог
Екатерина Шульман:
”Бер
нисә быуын аҙыҡ-түлеккә ҡытлыҡ кисерҙе
йәки ҡайһы бер продукттарҙың юҡлығын
күрҙе. Ниндәйҙер кимәлдә был һәр быуын
һайын ҡабатланып торҙо. Аслыҡ булмаһа
ла, дефицит һиҙелде. Илдә аҙыҡ-түлектең
баһаһы ҙур.”
Росстат
мәғлүмәттәре буйынса, Рәсәй халҡының
16 проценты ауырлыҡ менән көн күрә, йәғни
килеме 9 мең 660 меңдән артмай, йыш ҡына
унан да түбән.
Конфискацияланған
аҙыҡты ярлыларға таратыуҙы талап иткән
петиция аҫтына аҙна эсендә 300 мең кеше
ҡултамғаһын ҡуйҙы.
Комментариев нет:
Отправить комментарий