Саркози һәм Меркелдән “алтын ҡағиҙәләр.”

Еврозонаның иң эре экономикаһы лидерҙары- Франция президенты Николя Саркози һәм Германия канцлеры Ангела Меркель- евро зонаһындағы бурыс кризисына ҡаршы берҙәм фронт булып сығыш яһанылар.

Франко- немец программаһының бер сараһы- берҙәм финанс хөкүмәте төҙөүҙә. Был хаҡта Париждағы осрашыуҙан һуң Николя Саркози белдерҙе.

“Экономик хөкүмәт дәүләт һәм хөкүмәт башлыҡтарынан торасаҡ. Улар йылына ике тапҡыр, ә кәрәк булһа йышыраҡ та осрашып торасаҡ. Һәм улар 2,5 йылға президент һайлаясаҡ. Был урынға беҙ канцлер менән Европа советы председателе Херман Ван Ромпей кандидатураһын тәҡдим итәбеҙ.”

Пресс- конференцияның икенсе мөһим темаһы булып еврооблигациялар торҙо. Ангела Меркель шулай тине:

“Мин йыш ҡына шуны күрәм: кризистан сығыу юлында бер проблеманы хәл итеү өсөн кешеләр бер универсаль сара эҙләп тапмаҡсы. Һуңғы ваҡыт шундай сара рәүешендә еврооблигациялар сығарыуҙы күҙ уңында тоталар. Әммә мин шуға ышанам: кризисты беҙ экономиканы аяҡтан йыҡмайынса ла еңеп сығасаҡбыҙ.”

Иҫегеҙгә төшөрәбеҙ, Германия еврооблигациялар сығарыуға ҡәтғи ҡаршы, сөнки ул күршеләренең бурыстарын түләргә теләмәй.