Заманыбыҙ сәнғәте: Кельндә “быуат процесы”башланды.

Кесаҙна көн Кельндә хәҙерге Германия тарихында иң шаулы процестарҙың береһе башланды.
Хөкөм эскәмйәһендә- ике ир һәм ике ҡатын. Улар оҙаҡ йылдар дауамында күренекле немец һәм француз авангарды вәкилдәренең әҫәрҙәре рәүешендә ялған һүрәттәр яһап һатҡандар. Ялған картиналар аҫтына Макс Пехштейн, Макс Эрнст, Генрих Кампендонк, Андрэ Дерен һәм Франсуа Леже исемдәре ҡуйылған.

Енәйәтселәр йәмғеһе 47 һүрәтте һатыуға сығарған. Экспертиза билдәләүенсә, айырым кешеләргә, хатта музейҙарға улар 14 ялған картина һатҡан. Процеста 200- гә ҡәҙәр шаһит сығыш яһар тип көтөлә.

Алдан билдәләүҙәренсә, “квартет”тың 15 йыл эсендәге табышы 16 миллион евро тирәһе. Картиналарҙың юғары кимәлдәге эшләнеше бик күп сәнғәт белгестәрен хаталандырған. Ғәйепләнеүселәр юғалған тип иҫәпләнгән һәм копиялары булмаған әҫәрҙәр менән эш иткәндәр.

Хөкөм ителеүселәрҙең ғәйебе раҫланған хәлдә, уларға 10 йылға ҡәҙәр төрмә янай. Хөкөм киләһе йылдың мартында сығарыласаҡ.