Каддафиҙың улы ҡулға алыныу тураһында яңы хәбәрҙәр.

Ливияның элекке башлығы Муаммар Каддафиҙың улы Сәйеф әл- Ислам баш күтәреүселәр ҡулында. Был хаҡта Әл- Арабия телеканалы исеме аталмаған Ливияның махсус хеҙмәте вәкиленә һылтанып хәбәр итте. Бынан алда иһә Сәйеф әл- Ислам Ливия- Нигерия сигенә йүнәлеүсе автомобилдәр кортежының береһендә булыуы ихтимал, тип хәбәр ителгәйне.

Муаммар Каддафиҙың үлем хәбәренән һуң, улының әсирлеккә төшөүе хаҡында мәғлүмәт күренгәйне, әммә ул аҙаҡ раҫланманы.

Сәйеф әл- Ислам- дәүләт эштәренә йәлеп ителгән һәм политика өлкәһендә атаһының вариҫы тип иҫәпләнгән Ливия диктаторының икенсе улы.