Перу: кем һеҙ, таныш түгел ҡәбилә?

Британияның хөкүмәттеке булмаған Survival International ойошмаһы Перуҙағы Машко- Пиру ҡәбиләһе индеецтары фотоһүрәттәрен баҫып сығарҙы. Һүҙ “тулыһынса изоляцияла йәшәгән индеецтарҙың йәшәү рәүеше хаҡында бара”, тип белдерҙе улар.

Ғалимдарҙың фаразлауынса, Машко- Пиро ситтәр аяҡ баҫмаған джунглиҙарҙан цивилизация ҡыҫымына яуап итеп килеп сыҡҡан: джунглиҙа әүҙем рәүештә ағастар ҡырҡыла, алыҫ түгел нефть һәм газ ятҡылыҡтары табылған, ә Мадре де Диос йылғаһы экотуристарҙың яратҡан урынына әйләнгән.

Был ҡыҫымға индеецтар үҙҙәренсә яуап бирә: күптән түгел улар ситтәргә ике тапҡыр уҡтар яуҙырған.