Арктика нефть менән бысранған: экологтар тауыш күтәрә.

Рәсәйҙең тәбиғәт һағы хеҙмәткәрҙәре Ненец автономия округындағы Требс ятҡылығында нефть түгелеү менән бәйле зыянды иҫәпләй. Рәсәйҙең иң ҙур ятҡылыҡтарының береһендә йома көн һәләкәт булған: нефть фонтаны 25 метр бейеклеккә күтәрелгән, уны йәкшәмбе иртән генә туҡтата алғандар.Был ваҡыт эсендә тирә- яҡ мөхиткә 2 000 тонна нефть ағып сыҡҡан, 8 000 квадрат метр ер бысранған.

Нефть сығарыу менән шөғөлләнгән “Башнефть- плюс’’ компанияһы административ тикшереү аҫтында. Уға штраф һалыныуы йәки эшмәкәрлеге 3 айға туҡтатылып тороуы ихтимал.