Гана президенты кинәт вафат булған.

Рейтер агенствоһының хәбәр итеүенсә, Аккрала Гана президенты Джон Атта Миллз вафат булған. Президентҡа 68 йәш ине. “Тәрән ҡайғы менән Гана республикаһы президентының үлеме хаҡында хәбәр итәбеҙ,-”тиелә дәүләт башлығы администрацияһы белдереүендә. Сәйәсмәндең үлеменең сәбәбе асыҡланмаған.

Джон Атта Миллз 1944 йылдың 21 июлендә тыуған. 1997 йылдан алып 2001 йылға ҡәҙәр илдең вице- президенты булған. Дәүләт башлығы посын оппозиция кандидаты Миллз 2009 йылдың ғинуарында һайлауҙарҙан һуң биләй.