четверг, 15 ноября 2012 г.

Израиль ХАМАС-тың хәрби лидерын юҡ иткән.



Шаршамбы көн Газа секторында ХАМАС-тың хәрби лидеры үлтерелгән. Әхмәт әл-Джәбәри ултырған автомобилде Израилдең Хәрби һауа көстәре утҡа тотҡан.

Израиль властары Газа секторындағы хәрби төркөмдәргә ҡаршы йүнәлтелгән операцияның башланыуын раҫланы. Әл- Джәбәри үҙенең террористик эшмәкәрлеге өсөн юҡ ителгән.

Израилдең Дөйөм именлек хеҙмәтендә белдереүҙәренсә, һөжүмдең маҡсаты- ХАМАС хәрәкәтенең террористик инфраструктураһын юҡ итеү.

Палестина автономияһында шунда уҡ үс алыуға саҡырыуҙар яңғыраны. ХАМАС-тың хәрбиҙәре үҙ эшмәкәрлеген дауам итергә вәғәҙә итте. Хәрбиләштерелгән “Ислам йыһаты”төркөмө белдереүенсә, Израиль Газа секторына ҡаршы һуғыш асҡан һәм бының өсөн яуаплылыҡты үҙ өҫтөнә аласаҡ.

Әл-Джәбәриға ҡаршы операция үткәрелерҙән алда Мысыр менән сиктәш булған Израиль территорияһында 4 ракета шартлаған.

Көнэлгәре Израилдең хәрби- сәйәси кабинеты, әгәр боевиктар ракета һәм минометтарҙан атыуҙы туҡтатһа, Газа секторына һөжүмдән баш тартырға ҡарар итте.

Комментариев нет:

Отправить комментарий