среда, 19 декабря 2012 г.

Фиджи халҡы“Эван”дан күргән зыянды иҫәпләй.



Утрауҙарҙа урынлашҡан Фиджи дәүләте халҡы “Эван” тропик циклоны һалған зыянды иҫәпләй.
Шишәмбе иртән халыҡ емереклектәрҙең шаһиты булды: өй ҡыйыҡтары алып ырғытылған, ағастар тамырҙары менән йолҡонған, автотрассалар сүп- сарға күмелгән.
Күбеһенсә Австралия туристары үҙ иткән Фиджи архипелагының төньяҡ һәм көнбайыш утрауҙары тәбиғәт ҡазаһынан айырыуса ныҡ зыян күргән.
Ел тиҙлеге унда сәғәтенә 230 километрға барып еткән. Уҙған төндө 8 меңдән ашыу кеше илдә махсус рәүештә ойошторолған эвакуация үҙәктәрендә үткәрҙе.
Йортона ҡайтҡан урындағы ҡатын бына нимә тип һөйләй:
“Емереклектәрҙе күргәс, тәүге уйым шул булды: быларҙы ни хәл генә йүнәтербеҙ? Бәхеткә күрә, күршеләрем килде лә “Ҡайғырмағыҙ, ярҙам итербеҙ!”- тинеләр.
“Эван” 5 баллы шкала буйынса 4 балл менән баһалана. Уны региондағы һуңғы 20 йыл эсендәге иң ҡеүәтле циклон, тип атанылар. Шуға ҡарамаҫтан, ҡорбандар булманы. Ә бына күрше Самоа дәүләтендә тәбиғәт ҡорбандарының һаны 14- кә еткән.
Милли метеобюро мәғлүмәттәре буйынса, циклон Фиджиҙан яйлап көньяҡҡа йүнәлә, артабан елдең тиҙлеге кәмейәсәк.

Комментариев нет:

Отправка комментария