четверг, 3 января 2013 г.

Гректарҙың аҙыҡ- түлеккә аҡсаһы етмәй.



Грецияла йәшәү кимәле ныҡ хөртәйҙе, бик күптәр мохтажлыҡ кисерә. Иҡтисадсыларҙың күҙаллауҙары буйынса, бындай кире динамика яңы йылда ла дауам итәсәк.
Һуңғы 2 йыл эсендә Патры ҡалаһында ризыҡҡа аҡса еткерә алмаусылар һаны икеләтә артҡан. 5 бала әсәһе булған 31 йәшлек Константина ла шул хәлдә ҡалған:
“Бик ауыр хәлдә ҡалдым, бер үҙем генә быны йырып сыға алмайым. Балаларым һөт һорай, ә мин быны уларға бирә алмайым. Эш табырға тырышыуҙарым уңышһыҙ булды, үҙемде урамға сығарып ташланғандай хис итәм.”
Константина һәм ҡаланың йөҙҙәрсә кешеһе урындағы властар һәм сиркәү ойошторған аҙыҡ- түлек хәйриә банкында теркәлгән.
Социаль хеҙмәт вәкиле һөйләй:
“Мине ишеткәндәрҙең барыһына ла мөрәжәғәт итәм: беҙгә аҡса түгел, көн һайын арта барған ярлы граждандарыбыҙға биреү өсөн, аҙыҡ- түлек кәрәк.”
Патры- Грецияның иң ҙур ҡалаларының береһе, әммә көрсөк арҡаһында байтаҡ предприятиелар ябылған, ҡаланың һәр бишенсе кешеһе эшһеҙ.
Грецияла эшһеҙлек кимәле 26 проценттан артҡан.

Комментариев нет:

Отправка комментария