Цзюцюань космодромынан
старт алған Ҡытайҙың “Шэньчжоу-10” йыһан карабы бортындағы өс тайкунавт менән
уңышлы рәүештә тәғәйенләнгән орбитаға сыҡты. Улар йыһанда 15 көн буласаҡ. “Шэньчжоу”(”Тылсымлы
кәмә”) программаһы буйынса был инде бишенсе пилотлы осош. Экипаж ағзалары
араһында ҡытай ҡатын-ҡыҙҙарынан икенсе булып йыһанға осоусы Ван Япин да бар.
Караптың старт алыуын
ҠХР рәйесе Си Цзиньпин шәхсән үҙе күҙәтеп торҙо:
“Был данлы һәм изге миссия. Һеҙ бурысығыҙҙы үтәрһегеҙ, тип ышанам. Һеҙгә
уңыштар теләйем һәм тантаналы рәүештә ҡайтыуығыҙға өмөтләнәм.”
Осоштоң төп бурысы-
орбиталағы модуль менән тоташыу технологияһын үҙләштереү. Ул ике тапҡыр
башҡарыласаҡ: ҡулдан һәм автоматик режимда. Ҡытайҙың үҙ йыһан станцияһын булдырыу өсөн, был һынауҙар бик мөһим. Станция
2020 йылда осороласаҡ һәм яҡын киләсәктә йыһан программаһының һуңғы этабы булып
торасаҡ.
Комментариев нет:
Отправить комментарий