Хакерҙар Американың Үҙәк банкына барып еткән.

АҠШ-тың Федераль резерв системаһы хәбәр итеүенсә, уҙған йәкшәмбе уның эске сайттарының береһе ватылған. Хәбәр итеүҙәренсә, юл ябылһа ла, хакерҙар ҡулына телефон номерҙарын һәм электрон адрестарын да индереп, Америка банкыларының 4 мең самаһы етәксеһенең шәхси мәғлүмәте эләккән. Ул мәғлүмәттәр интернетта пәйҙә булған да инде. ФРС вәкилдәре фекере буйынса, енәйәтселәр билдәле Anonymous хакерҙар төркөмө менән бәйле.