понедельник, 3 февраля 2014 г.

Көньяҡ Океанда киттар өсөн алыш.


“Sea Shepherd” диңгеҙ фаунаһын яҡлау йәмғиәтенең активистары “Боб Баркер” атамаһы аҫтындағы судноларының Японияның кит аулау караптары менән бәрелешен һүрәтләгән видеокадрҙарҙы баҫтырып сығарҙы. Активист-экологтар Көньяҡ Океанда киттарҙы аулауға ҡамасауларға маташҡан. Япония судноһы аңлы рәүештә улар менән бәрелешергә уйлаған. “Боб Баркер” экипажы ағзаһы Келли Хиггинс һөйләй:
“Төн уртаһы үткәс, Япония кит аулау флотының өс судноһы “Боб Баркер” һәм “Стивен Ирвин”тирәһендә өйрөлә башланы . Улар ҡайһы саҡ беҙҙең караптар тирәһенән 3-5 метр ғына алыҫлыҡта үтеп китә ине.”
Япония властары иһә Диңгеҙ фаунаһын яҡлау йәмғиәте активистарының Япония кит аулау судноларына фәнни маҡсаттарҙа һунар итергә ҡамасаулауы хаҡында белдерҙе.
Иҫегеҙгә төшөрәбеҙ: 1986 йылда коммерция кит аулау промыслаһына халыҡ-ара мораторий үҙ көсөнә ингәйне, ләкин Япония “фәнни тикшеренеүҙәр” өсөн һаман киттарҙы үлтерә. Киттарҙы һаҡларға тырышҡан экологтар, караптарҙы эҙәрлекләп, химикаттар ташлап, төрлө юлдар менән диңгеҙ һунарына ҡасауларға маташа.


Комментариев нет:

Отправить комментарий