четверг, 11 сентября 2014 г.

Халыҡ-ара йыһан станцияһы экипажы Ергә ҡайтты.


Бөгөн иртән Ҡазахстандың Еҙҡаҙған ҡалаһынан көньяҡ-көнсығышҡа табан 148 километр алыҫлыҡта ятҡан урынға Халыҡ-ара йыһан станцияһының интернациональ экипажы- Роскосмос космонавтары Александр Скворцов, Олег Артемьев, НАСА астронавы Стивен Суонсон “Союз” карабының капсулаһында килеп төштө.

Ерҙә имен-аман ҡайтҡан космонавтарға капсуланан сығырға ярҙам иттеләр. Йыһанда 170 тәүлеккә яҡын эшләгән экипаж ағзалары үҙҙәрен яҡшы хис итә. Йыһандағы осош ваҡытында космонавтар “Прогресс”, ATV-5 Европа йөк ташыу караптарын бушаттылар, Американың Cygnus һәм Dragon караптарын хеҙмәтләндереүҙә ҡатнаштылар, шулай уҡ Скворцов һәм Артемьев ике тапҡыр асыҡ йыһанға сыҡты.

Халыҡ-ара йыһан станцияһында рәсәйле Максим Сураев, американлы Рид Уайсмен һәм немец Александр Герст эшләүен дауам итә.


Яңы йыһан экспедицияһы 26 сентябргә тәғәйенләнгән. Халыҡ-ара йыһан станцияһына Елена Серова, Александр Самокутяев һәм американлы Барри Уилмор юл тотасаҡ.

Комментариев нет:

Отправить комментарий