Ирак һәм Сүриә ҡасаҡтары Болгарияла туңып үлгән.

Сербия сигенән алыҫ түгел Болгарияның төньяҡ-көнбайышында Сүриә һәм Ирактан булған дүрт иммигранттың үле кәүҙәһен тапҡандар. Ярып ҡарағас, шул асыҡланған: үлем туңыу арҡаһында булған.

Полиция мәғлүмәттәре буйынса, дүртеһе лә Болгарияла һыйыныу урыны алыу процедураһын үткән һәм законһыҙ рәүештә Сербия территорияһына үтеп инергә йыйынған.