”Ксинтия” ғәрәсәте чиновниктарҙы төрмәгә ебәрҙе.

Француздарҙың Ля Фот сюр Мэр ҡаласығының элекке мэры һәм уның урынбаҫары 2010 йылдағы ”Ксинтия” ғәрәсәте арҡаһында кешеләрҙең һәләк булыуы менән бәйле суд процесы һөҙөмтәләре буйынса төрмәгә ултыртыуға хөкөм ителде. Айырым алғанда, чиновниктар һыу баҫҡан урындарҙа йорттар төҙөргә рөхсәт биреүҙә ғәйепләнә. Ля Фот сюр Мэрҙа йәмғеһе 29 кеше һәләк булған.