среда, 3 декабря 2014 г.

БМО ярҙамынан башҡа Сүриә ҡасаҡтарына аслыҡ янай.


Хәрби конфликт башланғас ватанын ҡалдырып китергә мәжбүр булған Сүриә ҡасаҡтары, БМО-ның Бөтә Донъя аҙыҡ-түлек программаһы (ВПП) ярҙамды туҡтатыуы арҡаһында, илдәренә киренән ҡайтарылыуы ихтимал. Белдереүҙә әйтелеүенсә, Ливан, Төркиә, Иордания, Ирак һәм Мысырҙа төйәк тапҡан 1,7 миилиондан ашыу сүриәле аҙыҡ-түлеккә ваучер ала алмаясаҡ, шул арҡала күп ғаиләләргә аслыҡ янай.

Ливандағы стихиялы рәүештә барлыҡҡа килгән лагерҙа башлыса ҡатын-ҡыҙҙар һәм балалар йәшәй.

-Эй хоҙайым, беҙ туңабыҙ. Минең юрғандарым юҡ. Күршебеҙ бәпескә һәм өс бәләкәй балаға матрас бирҙе...

-Был палаткалар һалҡындарҙан һаҡламай. Йылытҡыс ҡуйһаң да, барыбер йылынып булмай. Бөтә ер бысраҡ. Мин Ливанда инде бер йыл, беҙ БМО-ның аҙыҡ-түлек ваучерҙары арҡаһында ғына иҫән ҡалдыҡ. Үҙем бында бер нәмә лә таба алғаным юҡ!

Ливандың палаткалы икенсе лагерында ла хәлдәр еңелдән түгел. Ҡасаҡтар ҡыш килеүенән ҡурҡа. БМО-ла әйтеүҙәренсә, деабрҙә гуманитар миссияны дауам итеү өсөн, 64 миллион доллар кәрәк.


БМО-ның Бөтә Донъя аҙыҡ-түлек программаһы мәғлүмәттәре буйынса, финанс ҡыйынлыҡтары донорҙарҙың үҙ вәғәҙәләрен үтәмәүе арҡаһында килеп сыҡҡан. 

Сүриәлә конфликт башланғаны бирле, ойошма ҡасаҡтарға 800 миллион долларлыҡ ярҙам күрһәткән.

Комментариев нет:

Отправить комментарий