Греция кредиторҙар менән һуғышта түгел, алышта ғына еңде.

Греция хөкүмәте һәм премьер-министр Алексис Ципрас еңеүҙе байрам итә. Улар Грецияның бурысы буйынса бәхәстә Евротөркөмдө еңеүгә өлгәште. Кредиторҙар менән йомалағы һөйләшеүҙә кредит килешеүен 4 айға оҙайтырға ҡарар ителде. Был ваҡытты Ципрас аҡса эҙләүгә түгел, бурысты глобаль реструктуризациялау хаҡындағы һөйләшеүҙәргә бағышларға уйлай.

Алексис Ципрас, Греция премьер-министры:

“Кисә беҙ һуғышта түгел, алышта ғына еңдек. Беҙҙе алда һөйләшеүҙәрҙән һәм беҙҙең партнерҙарыбыҙ менән мөнәсәбәттәрҙән тыш та ауырлыҡтар көтә.”

Ципрас милләткә телемөрәжәғәтендә кредиторҙар менән һөйләшеүҙәрҙең финанс мәсьәләләренә генә түгел, ә тәүге нәүбәттә “Грецияның суверенлығын тергеҙеүгә” ҡағылыуын белдерҙе. Уның һүҙҙәре буйынса, Европа консерваторҙары илде быуып ташлауҙы маҡсат итеп ҡуйған, әммә уларҙың маҡсаты барып сыҡмаған.

Мәғлүмәт агенстволары иһә, Мальта премьер-министры Эдвард Шиклунға һылтанып, еврозона ил-ағзаларының Грецияның валюта союзынан сығыуына әҙер булыуын хәбәр итте. Әгәр ҙә Афина артабан да кредиторҙар менән уртаҡ тел табырға тырышмаһа, был мотлаҡ тормошҡа ашасаҡ.