Греция: хөкүмәт яҡлы тәүге демонстрация.

Афина үҙәгендә күп йылдар инде күрелмәгән хәл- хөкүмәтте яҡлаусы тәүге демонстрация, “Сириза” һайлауҙарҙа еңгәндән һуң, беренсе манифестация.
Ил парламенты бинаһы алдындағы майҙанға, төрлө мәғлүмәттәр буйынса, 3-тән алып 5 меңгә ҡәҙәр кеше йыйылды.


Улар хөкүмәттең яңы курсын, эшмәкәрлеге һәм белдереүҙәре Брюссель һәм Европа Үҙәк банкының ҡаты реакцияһына дусар булған яңы финанс министры Яннис Варуфакистың шәхсән үҙен яҡлап лозунгылар ҡысҡырҙы.


-Һайлау барышында сағылыш тапҡан халыҡтың теләген хөкүмәттең яҡлауын теләйбеҙ. Гректар- экономия сараларына ҡаршы, беҙ Европа үҫеше яҡлы.


-Артабан да “билбауҙы ҡыҫып бәйләүгә” юл ҡуймаясаҡбыҙ. Немец гегемонияһы көсләп таҡҡан программаға таянып эш итергә йыйынмайбыҙ. Беҙ әҙәмдең көсө еткән эште эшләргә- Греция мәсьәләһе буйынса һөйләшеүҙәр башларға әҙербеҙ.


-Көн элгәре Греция финанс министры реструктуризация үткәрелеп, уны хеҙмәтләндереү режимы еңеләйтелгән хәлдә, бурысты иҫәптән сығарырға маташыуҙы туҡтатырға әҙер булыуын белдергәйне. Афинанан хәбәрсебеҙ былай тип һөйләй:


-Ҡаты экономия сараларына ҡаршы сығыу өсөн, тәүге тапҡыр Синтагма майҙанына шул ҡәҙәр күп халыҡ йыйылды. Шундай уҡ демонстрациялар Грецияның башҡа ҡалаларында ла үтте.