пятница, 27 февраля 2015 г.

Голландтарға осоусы террорист һөжүм итә.


Бер нисә аҙна инде Голландияның Пюрмеренд ҡаласығы халҡына ҡурҡыныс  өкөмө, ябалаҡмы һөжүм итә. Йыртҡыс кешеләргә ташлана. 10-дан ашыу кеше еңелсә тән йәрәхәттәре алған, ә берәүһенең хатта яраһын тегергә тура килгән. Көндөҙ түҙергә була, ә ҡараңғыла йөрөргә күптәр йөрьәт итмәй.

“Бер ағай ҡыйыҡҡа күрһәтте,-тип һөйләй бер ҡыҙ бала.-Ҡарағайныҡ- ул шуда ултыра. Әле лә тауышын ишетәм.”

“Ул минең елкәгә ике тәпәйенең дә тырнаҡтарын батырҙы,-тип һөйләй зыян күргән ир.-Кирбес менән башҡа ҡаҙаҡ ҡаҡҡан кеүек булды.”

Ҡала советында ҡоторған ҡош менән ни эшләү хаҡында бәхәстәр барған арала, ҡала халҡы үҙенсә ҡораллана- зонттар тотоп сыға, шлем һәм  бүректәр кейә. Эксперттар әйтеүенсә, өкөләрҙең ғәҙәти булмаған был ҡылығы уларҙың ситлектә үҫеүенә бәйле булып, кешеләрҙе күреү менән, улар аҙыҡты күҙ алдына баҫтырыуы ихтимал.


Комментариев нет:

Отправить комментарий