среда, 20 января 2016 г.

Давоста үҫә барған тигеҙһеҙлек хаҡында һөйләшәсәктәр.


Бөгөн Давоста Бөтә донъя иҡтисад форумы асыла. Ойоштороусылар әйтеүенсә, төп тема- “Дүртенсе сәнәғәт революцияһы,” әммә һүҙ, әлбиттә, һуңғы яңылыҡтар хаҡында ла барасаҡ: нефткә хаҡтарҙың түбәнәйеүе, Ирандан санкцияларҙы алыу, Ҡытай иҡтисады үҫешенең әкренәйеүе һәм ислам терроризмы хәүефе.

Йәнә бер мөһим тема - байҙар һәм ярлылар араһындағы айырманың артыуы.

Ричард Эдельман, Edelman компанияһы башлығы:

Тигеҙһеҙлек эҙемтәһе- популизм. АҠШ-та быны Трамп миҫалында күрәбеҙ, Францияла- Лё Пен, Венгрияла- Орбан. Уйлауымса, оҙаҡламай һул флангыла ла шул уҡ хәлдәр буласаҡ. АҠШ-та Берни Сандерс пәйҙә булды, Британияла- Корбин.”

Форум асылыр алдынан матбуғатта шундай статистика пәйҙә булды: Ерҙәге байлыҡтың яртыһы 62 кеше ҡулында, йәғни Ерҙәге 1 процент әҙәм ҡулындағы милек ҡалған 99 проценттыҡынан да күберәк.

/ПОПУЛИЗМ —         (лат. populus халыҡ)- киң массаларға төбәлгән, ҡырҡыу социаль проблемаларҙы тиҙ һәм еңел хәл итеүҙе вәғәҙә иткән сәйәсәт./


Комментариев нет:

Отправить комментарий