четверг, 11 февраля 2016 г.

ЮНИСЕФ: Йәмән конфликтының төп ҡорбандары- балалар.


Йәмән балалары- илдәге гуманитар көрсөктөң төп ҡорбандары, улар кисергән ыҙаның төп сәбәбе- аслыҡ. ЮНИСЕФ вәкилдәре шундай доклад менән сығыш яһаны. БМО-ның Аҙыҡ-түлек һәм Ауыл хужалығы ойошмаһы фекеренсә, 14 миллионлы ил халҡының яртыһына аслыҡ янай. Халыҡ ябай ғына медицина ярҙамына ла мохтаж:

-Яғыулыҡ етешмәүе, конфликттың дауам итеүе, дауаханаларға авиаһөжүмдәр, конфликтта ҡатнашыусы яҡтарҙың һөжүмдәре, хеҙмәткәрҙәрҙең ҡасырға мәжбүр булыуы арҡаһында, аслыҡ эҙемтәләре менән көрәшкән 192 медицина үҙәге эшен туҡтатты,-ти ЮНИСЕФ вәкиле Мөхәммәт ас-Саади.

Күсенергә мәжбүр булған 2 миллион кешенең ҡап яртыһы- балалар. Йылға яҡын барған конфликтта бәлиғ булмаған 750 бала һәләк булған. Граждандар һуғышы һәм авиаһөжүмдәр ҡорбандарының дөйөм һаны 3 000 самаһы.


Комментариев нет:

Отправить комментарий