Ял көндәрендә Урта диңгеҙҙә Италия яр буйы һағы 3400
мигрантты ҡотҡарҙы. Йыл башынан алып Италияға диңгеҙ юлы менән 155 мең кеше
килгән.
Күптән бирле Италия һәм Греция иммиграция мәсьәләһендә Европаны
теләктәшлеккә саҡыра. Йәкшәмбе көн Греция премьер-министры Алексис Ципрас
Европалағы күршеләренең Төркиә менән төҙөлгән килешеүҙең үҙҙәренә ҡағылған
өлөшөн үтәмәүенә зарланды.
“Европа үҙ йөкләмәһен оҙаҡҡа һуҙмай ғына үтәргә
тейеш. Үҙебеҙ иһә легаль булмаған иммиграцияға кәртә ҡуйыу һәм хоҡуҡи каналдар
булдырыу өсөн барыһын да эшләйбеҙ. Ул Греция һәм Төркиәләге ҡасаҡтарҙы
күсереүҙе күҙ уңында тота. Ҡыҙғанысҡа ҡаршы, ЕС илдәре күсерергә вәғәҙә биргән
33 мең ҡасаҡтың 3 меңенә генә урын табылды".
Еврокомиссия иһә уҙған аҙнала Төркиә үҙендә
һыйындырған 3 млн сүриәлегә финанс ярҙамы бүлеүе хаҡында иғлан итте. 348 млн евро
күләмендәге махсус фондтан иң ныҡ мохтаждарға биреләсәк махсус дебет карталарына ай һайын аҡса күсереү
планлаштырыла.
Комментариев нет:
Отправить комментарий