вторник, 29 ноября 2016 г.

Йылы океан боҙлоҡтарҙы емерә һәм мәрйендәрҙе үлтерә.


 Һуңғы көндәрҙә фәнни йәмәғәтселек климат үҙгәреүе тураһында өс доклад баҫтырып сығарҙы.

Стокгольмдың тирә-яҡ мөхит институты Арктика климаты үҙгәреүенә борсола. Унда төп 19 үҙгәреш һанағандар. Ә булып үткән йәки буласаҡ был үҙгәрештәр бөтә планета экосистемаһына кире йоғонто яһаясаҡ:

-Арктика бөтә планета менән, бигерәк тә климат йәһәтенән, беҙ уйлағандан күпкә тығыҙ бәйләнгән. Арктикаға йоғонто яһаған климаттың үҙгәреүе - йылылыҡтың артыуы, парник газдары - һәммәһе лә үҙебеҙгә кире ҡайтасаҡ.

Диңгеҙҙең йылыныуы арҡаһында, уҙған йыл Антарктикала ғәләмәт ҙур айсберг барлыҡҡа килгән – быны Огайо университетында асыҡлағандар.

Ғалимдарҙың мәғлүмәттәре буйынса, Амундсен ҡултығындағы боҙлоҡ нигеҙендә ҙур ярыҡ барлыҡҡа килгән: йылы диңгеҙ унда ҡыуышлыҡ яһаған һәм ул бер нисә йыл буйы бик тиҙ киңәйгән. Һөҙөмтәлә майҙаны 582 км² булған боҙлоҡ аҡтарылып киткән.

Йылый барған диңгеҙҙә мәрйендәр ҙә үлә – Австралия ғалимдары үтеп барған ошо йылда Ҙур барьер рифының бығаса күрелмәгәнсә емерелеүен теркәгән. Мәҫәлән, рифтың төньяҡ өлөшөндә полиптарҙың өстән ике өлөшө һәләк булған.



Комментариев нет:

Отправить комментарий