Мәскәү йылғаһында катер батҡан- үлеүселәр бар.

Мәскәү йылғаһында ял итеү катеры батҡан, үлеүселәр һаны- 8. Инцидент йәкшәмбегә ҡараған төндә Лужники районының яр буйында булған. Катер юғары тиҙлек менән причалда торған баржаға килеп бәрелә. Борттағы 16 кешенең алтауһын ҡотҡаралар, берәүһе ярға үҙе йөҙөп сыға, бер кешенең яҙмышы әлегә билдәһеҙ.

Авария урынында ҡотҡарыусылар эшләй. Баржаны күсерәләр, катерҙы 3 метр тәрәнлектән күтәрергә йыйыналар. Йәмғеһе 100 кеше эшләй.

Авария факты буйынса енәйәт эше ҡуҙғатылған.