Йинглак Чинават ( Таиландтың йәберләнгән элекке премьер- министры Таксин Чинаваттың һеңлеһе) хөкүмәт башлығы вазифаһы өсөн көрәш башланы.
Йинглак Чинаваттың ”Пыа Тхай”оппозиция партияһы-Таиландтың әлеге премьер- министры Абсхит Ветчачива етәкләгән Демократик партияның төп конкуренты. Былтыр яҙ илдәге был ике төп политик көстөң ҡаршылығы Таксин Чинават яҡлы “ҡыҙыл күлдәклеләр” һәм хөкүмәт ғәскәрҙәре араһындағы урам һуғыштарына алып килде. Был бәрелештәрҙә 90-дан артыҡ кеше һәләк булды һәм 2000 самаһы кеше тән йәрәхәттәре алды.
Сит илдә һөргөндә йәшәгән Чинават оппозиция менән уңышлы идара итә. Аналитиктарҙың уйынса, парламент һайлауҙарында Таксиндың туғаны ҡатнашыуы ваҡиғаларҙы киҫкенләштерәсәк һәм һайлауҙарҙан һуң иҫке конфликтты тағы ла ҡыҙҙырып ебәрәсәк.
Комментариев нет:
Отправить комментарий