Японияның экономиканы тергеҙеү министры Рю Мацумото отставкаға китте. Был 11 мартта стихиянан иң ныҡ зыян күргән Миягa һәм Иватэ префектуралары башлыҡтары менән ғауғалы осрашыуҙан һуң була. Премьер креслоһын Наото Кан биләгән былтырғы йылдың июненән бирле Мацумото отставкаға ебәрелгән дүртенсе министр. Аналитиктар политик системаның кризисы хаҡында һөйләйҙәр.
Пресс- конференция барышында Мацумото әйткән һүҙҙәре өсөн ғәфү үтенде: “Тупаҫ һөйләштем һәм һәләкәттә зыян күргән кешеләрҙең хистәрен мыҫҡыл иттем. Мин ғәфү үтенәм.”
Йәкшәмбеләге осрашыуҙа 60 йәшлек политик хөкүмәт ярҙамына реконструкция буйынса үҙ идеяларын тәҡдим иткән урындағы властар ғына өмөт итә ала, тип белдерә. Бынан тыш ул һуңлағаны өсөн Мияга префектын тәнҡитләй һәм ҡул биреүҙән баш тарта. Үҙ посында ул бер аҙна ғына була ала.
Комментариев нет:
Отправить комментарий