Врачтар ауыр яраланған хоккейсыны ҡотҡара алманылар.

Мәскәүҙә Вишневский исемендәге институтта  хоккейсы Александр Ғәлимов вафат булды. Биш көн элек Ярославль янында һәләкәткә осраған Як- 42 самолетында ул да бар ине. Иҫән ҡалған , әммә тәненең 90 проценты янған хоккейсыны врачтар ҡотҡара алманы. Тимәк, сәбәптәре әле асыҡланып бөтмәгән был фажиғәлә 44 кеше һәләк булды. Врачтар бортпроводник Александр Сизовтың ғүмере өсөн көрәшеүҙе дауам итә.