АҠШ: “Уолл- стритты баҫып ал”- бөтәһенә лә ҡаршы.

Американың Нью- Гемпширындағы республика фирҡәһе “праймериз”ының дошмандары барлыҡҡа килде, улар –Манчестерҙың Ветерандар паркында лагерь ҡорған “Уолл- стритты баҫып ал”хәрәкәте активистары ( бында урындағы халыҡ та, башҡа штаттарҙан килеүселәр ҙә бар). Тап консерватив республикасыларҙы улар финанс көрсөгө һәм үҫә барған социаль ғәҙелһәҙлек өсөн яуаплы тип иҫәпләй:

“Власть башында күпселеген аҡ тәнлеләр һәм байҙар тора, илдәге 99 % халыҡтың нисек йәшәүен улар күҙ алдына ла килтермәй!”

99 %-урта синыф вәкилдәре, ярлылар, улар менән республикасылар кандидаты фавориты миллионер Митт Ромни араһы- ер менән күк араһы. Әйтергә кәрәк, хәрәкәт активистарынан демократтарға ла өлөш сыға:

“Обама һәм уның командаһы хеҙмәтсәндәрҙең һатып алыу мөмкинлеген түбәнәйтеүгә сәбәпсе булды, өҫтәүенә улар ошо көрсөктө тыуҙырыусыларға- капиталистарға ғәләмәт ҙур күләмдә аҡса бирә, ә бит уларҙың аҡсаһы былай ҙа күп.”

Әлбиттә, “Уолл- стритты баҫып ал”хәрәкәте активистары Нью- Гемпширҙағы тауыш биреү һөҙөмтәһен үҙгәртә алмаясаҡ. Шулай ҙа уның активистары тауыштарын ишетһендәр өсөн бер мөмкинлекте лә ситкә ебәрмәй.