Урта Көнбайыш АҠШ-та ғәрәсәт: һәләк булыусылар -13.

Шаршамбы көн Урта Көнбайыш АҠШ-тың Иллинойс, Миссури һәм Канзас штаттарына ғәрәсәт ябырылды- 13 кеше һәләк булды, тиҫтәләгәне тән йәрәхәттәре алды. Ғәрәсәт ағастарҙы йыҡты, электр тапшырыу линияларын өҙҙө, тиҫтәләрсә йорттарҙы емерҙе.

Властар, эҙләнеү- ҡотҡарыу эштәре һәм емереклектәрҙе тикшереү тамамланғас, ҡорбандар һаны күбәйеүе ихтимал, тип хәүефләнә.

АҠШ-та ғәрәсәттәр осоро мартта башлана, әммә быйыл ул иртәләне. Ғинуарҙа уҡ Америка метеорологтары 95 ғәрәсәт теркәне, ул саҡта 2 кеше һәләк булғайны.

2011 йылда АҠШ-та 545 кеше ғәрәсәт ҡорбаны булғайны, 1936 йылдан бирле бындай хәлде күргәндәре юҡ ине әле.