Испанияның Repsol
компанияһы халыҡ- ара арбитраж суды аша, Repsol
компанияһының “ҡыҙы”булып торған ҙур YPF нефть компанияһын дәүләт милкенә
күсереү сәбәпле, Аргентинанан компенсация талап итмәксе. Хәбәр итеүҙәренсә,
компенсацияның күләме 8 миллиард евроға барып баҫыуы ихтимал.
Аргентинаның YPF компанияһын үҙ ҡул аҫтына алырға
ниәтләүен Испания властары ризаһыҙлыҡ менән ҡабул итте. Сәнәғәт, энергетика һәм
туризм министры Хосе Мануэль Сория бына нимә тине:
“Аргентина властарының дошмандарса эшмәкәрлегенә
хөкүмәт яуап бирәсәк. Дипломатия, сауҙа, сәнәғәт һәм энергетика өлкәһендә бының
эҙемтәләре буласаҡ.”
Repsol үҙенең белдереүендә Аргентина хөкүмәтенең
ҡарарын “законһыҙ һәм дискриминацион”тип атаны.
YPF компанияһын дәүләт милкенә күсереү хаҡындағы закон
проектын Аргентина парламентына президент Кристина Фернандес де Киршнер
индерҙе.
Биржаларҙа YPF компанияһы акциялары ҡырҡа түбәнәйҙе.
Әлеге мәлдә Repsol Аргентина компанияһы акцияларының 57
процентына эйә.
Комментариев нет:
Отправить комментарий