Киев сәйәсәт менән спортты бутарға теләмәй, ә Путин Тимошенконы Мәскәүгә саҡыра.

Киев Украинала һәм Польшала үтәсәк футбол буйынса Европа чемпионатын сәйәсәт менән бәйләмәҫкә саҡыра. Украинаның элекке премьеры Юлия Тимошенконы төрмәлә туҡмауҙарына яуап итеп, ҡайһы бер Европа сәйәсмәндәре чемпионатҡа килмәҫкә уйлауҙары хаҡында белдергәндән һуң, Украинаның сит ил эштәре министрлығы ошондай  белдереү яһаны.

Рәсәй премьеры Путин иһә, әгәр Украина властары риза булһа, Тимошенконы дауаланыу өсөн Рәсәйгә саҡырырға ниәтләүен белдерҙе.