Ҡәһәрле тау ҡорбандары.

Мон-Моди, йәки Ҡәһәрле тау: тап бында, 4 000 метр бейеклектә  кесаҙна иртәһендә ишелмә туристарҙың ике төркөмөн дә ҡаплап киткән. 9 кеше һәләк булған, дүртәүһен әле булһа эҙләйҙәр. Был- Монбланды яулаусыларҙың иң яратҡан маршруты. Юлдарын альпинистар Үрге Савойя департаментындағы Шамони ҡалаһынан башлайҙар.

Тау битләүендә 40- лап кеше булған. Ҡорбандар араһында Бөйөк Британия, Германия һәм Швейцария граждандары бар. Һәләк булғандарҙың күбеһе страховка тросы менән бәйле булғандар.

 Шамони мэры, Эрик Фурнье:

“Һауа торошоноң насар буласағы хаҡында бер ниндәй ҙә мәғлүмәт булманы. Был осорҙа беҙгә альпинистар күп килә, ул, ысынлап та, күптәрҙең яратҡан маршруты. Кешеләрҙең һаны ла ҡәҙимгесә.”

Жан Луи Вердье, инструктор-альпинист:

“Ишелмәнең ишелеүе, сәғәтенә, көн торошона, йыл миҙгеленә ҡарамай, теләһә ниндәй ваҡытта булыуы ихтимал. Уны алдан күҙаллау мөмкин түгел”.

Тәүге тикшереү шуны күрһәткән: ишелмәне альпинистар үҙҙәре киҫеп үтеүҙәре ихтимал.

Хәбәрһеҙ юғалғандарҙы вертолеттар ярҙамында эҙләй башлағандар. Уларҙы имен- аман килеш табыуға өмөт бик аҙ.