“Хайкуэй” тайфуны көнсығыш Ҡытайҙа
туҙыныуын дауам итә. Ул 5 кешенең ғүмерен өҙгән, 7 кеше яраланған.
ҠХР-ҙың иң ҙур ҡалаларының береһе булған
Шанхайҙа иң юғары -“ҡыҙыл”
хәүефлелек кимәле иғлан ителгән. Бында 4 меңдән ашыу йорт емерелгән. Электр тапшырыу
линиялары өҙөлгән, ярты миллиондан ашыу кеше утһыҙ ҡалған. Сәғәтенә 110
километр тиҙлек менән иҫкән ел 30 меңләп ағасты йыҡҡан.
Хәүефле райондарҙан 2 миллион самаһы кеше
эвакуацияланған, тиҙ йөрөүсе тимер юл бәйләнеше өҙөлгән, урындағы аэропорттарҙа
йөҙҙәрсә рейстар туҡтатылған.
Көнсығыш Ҡытайға тәбиғәт ҡазаһы һалған иҡтисади
юғалтыу 10 миллиард юангә, йәғни 1 миллиардтан ашыу евроға барып баҫты.
Берҙән- бер яҡшы хәбәр шул: кесаҙна иртән “Хайкуэй”көсһөҙләнгән һәм тропик штормға әйләнгән, әлеге мәлдә
ул материк эсенә йүнәлгән.
“Хайкуэй”- һуңғы аҙнала Ҡытайға
ябырылған өсөнсө, йыл башынан һанағанда, ун беренсе тайфун.
Комментариев нет:
Отправить комментарий