Көньяҡ Африка Республикаһында Ҡатын- ҡыҙҙар айы.

Ҡатын- ҡыҙҙарҙың тиң хоҡуҡлы булыуы демократия йәһәтенән үҫешкән Көнбайыш Европа илдәрен, Американы ғына ҡыҙыҡһындырмай.

Көньяҡ Африка Республикаһы традиция буйынса августа 1956 йылдың 9 авгусында апартеид хөкүмәтенең репрессив закондарына яуап итеп уҙғарылған 20 000 ҡатындың маршы иҫтәлегенә Ҡатын- ҡыҙҙар айын үткәрә.

Преторияла сығыш яһап, ил президенты Джейкоб Зума шулай тип белдерҙе: “Башҡараһы эштәр күп булһа ла, ирек яуланған 18 йыл эсендәге ҡатын- ҡыҙҙар статусы һәм тормош кимәле яҡшырыуы менән беҙ ҡәнәғәт.”

Зума үҙе, билдәләп үтергә кәрәк, көсләүҙә ғәйепләнгәйне. Уның 6 ҡатыны, 20 балаһы бар, ә бюджеттан уға түләнгән аҡсалар дәүмәле идара итеүсе фирҡәлә тороусыларҙың да асыуына тейә.

Көньяҡ Африка республикаһы ҡатын- ҡыҙҙар хоҡуҡтарын яҡлау эше менән ғорурлана ала. Власта ирҙәрҙең һәм ҡатын- ҡыҙҙарҙың тигеҙ вәкиллеге идара итеүсе Африка Милли Конгресының рәсми сәйәсәте булып тора. 9 провинцияның 5-еһендә ҡатын- ҡыҙҙар идара итә.

Әйтергә кәрәк, ярлылыҡ һәм эшһеҙлек мәсьәләләре енси тигеҙлек мәсьәләрен баҫып китә: “Өйҙә йыйыштырыусы булып эшләү оҡшамай миңә,- ти бер ҡатын,-аҡса ашауға, юл хаҡын түләүгә саҡ етә.”

Көньяҡ Африка республикаһы властары йәшермәй- ярлылыҡты, тигеҙһеҙлекте, эшһеҙлекте бөтөрөү һәм миллионлаған халыҡтың, айырыуса ҡатын- ҡыҙҙарҙың тормошон еңеләйтеү өсөн, йылдар, бәлки, тиҫтә йылдар кәрәк буласаҡ.