вторник, 13 ноября 2012 г.

Португалия халҡы Ангела Меркель килеүенә шат түгел.



Дүшәмбе Лиссабонға Германия канцлеры Ангела Меркель килде. Уны 100 ҙур немец компанияһы вәкиле оҙатып йөрөй. Канцлер Португалия хөкүмәте ағзалары менән осрашыу үткәрәсәк, шулай уҡ 2 ил эшҡыуарҙары араһындағы һөйләшеүҙәрҙә ҡатнашасаҡ.

Португалия баш ҡалаһы матәм кейемендә. Ҡаты экономия сараларына асыуҙары килгән Лиссабон халҡы ҡара кейем кейҙе.

Ҡаршылыҡ хәрәкәте ағзалары һөйләй:

“Меркель ханыма шуны әйтмәксемен: проблемаһы булған Европаның һәр иленә ҡул һуҙма. Милләттәрҙең суверенлығын хөрмәт итергә кәрәк. Һеҙ үҙегеҙҙе Португалия хәжабикәһе итеп тояһығыҙ, әйтерһең, был һеҙҙең биләмә!-”ти Португалияның билдәле актрисаһы Сау Жозе Лапа.

“Ул Португалияға сәйәсәтте баһалар өсөн килмәй, сауҙа итер өсөн килә. Илдәге афәт кимәлен билдәләр өсөн, эшҡыуарҙар менән килгән ул”,-тип иҫәпләй ҡаршылыҡ хәрәкәтен ойоштороусыларҙың береһе булған Марко Маркес.

Көнэлгәре Португалия телевидениеһына биргән интервьюһында Ангела Меркель илгә Евроберләшмәнең өҫтәмә ярҙамы кәрәкмәйәсәген белдерҙе:

“Бюджет дефицитын кәметеү саралары тейешенсә үтәлә, улар уңышлы булыр, тип уйлайбыҙ.”

Ангела Меркелдең  Португалия президенты Анибал Каваку Силва һәм премьер-министр Педру Пасуш Коэлью менән осрашыуынан һуң, матбуғат конференцияһы үтәсәк. Евроньюс уны тура эфирҙа Мәскәү ваҡыты менән 19 сәғәттән алып яҡтыртасаҡ.

Комментариев нет:

Отправить комментарий