среда, 19 декабря 2012 г.

Украина: һалҡындар тиҫтәләрсә кешене һәләк итте.



Мәғлүмәт агенстволары хәбәр итеүенсә, 1 декабрҙән алып ҡаты һалҡындар 37 кешенең ғүмерен киҫкән. Быйылғы ҡыш, медицина ярҙамы һорап, 190 кеше мөрәжәғәт иткән, шуларҙың 162- һе хәстәханаға оҙатылған.

Синоптиктар һалҡындарҙың артабан көсәйеүен хәбәр итә. Һыуыҡтар аҙна аҙағына тиклем дауам итәсәк.

Украинаның көнбайышында ҡарҙың күп яуыуы юл тығындары барлыҡҡа килтерҙе. Йәкшәмбе Киев- Чоп трассаһында ҙур тығын барлыҡҡа килде, уның оҙонлоғо, төрлө мәғлүмәттәр буйынса, 15-30 километрға һуҙылған.

“Беҙҙең бензин бөтөп килә. Кискә ҡәҙәр етәсәк, ә артабан нимә булыр, белмәйем. Балалар менән туңып үлеүебеҙ бар бында,-”ти тығынға эләккән ғаилә башлығы.

Йөҙҙәрсә кешеләр, еңел автомобилдәр, йөк машиналары һәм автобустар тәүлек буйы тығында ултырған. Ил буйынса 1800 транспорт сараһын ҡар әсирлегенән ҡотҡарғандар. Юлдарҙы таҙартыуға 18 мең ҡотҡарыусы, 4 мең берәмек юл техникаһы йәлеп ителгән.

Хәбәр итеүҙәренсә, көнбайыш Украинаның ҡайһы бер райондарында температура 28 градусҡа ҡәҙәр төшкән.

Комментариев нет:

Отправка комментария