Алжирҙа йәнә сит ил граждандары урланған.

Алжирҙың көньяғында 5 япон һәм 1 французды экстремистар урлаған. Хәбәр итеүҙәренсә, улар барыһы ла нефть табыу предприятиеларында эшләгән. Ил властары әлегә был мәғлүмәтте раҫлай алмай. Бынан алда ла 8 француз исламистар ҡулына эләккәйне.

Күҙәтеүселәр был урлауҙарҙың Алжир властарының Малиҙа хәрби операция алып барған Францияға ярҙам ҡулы һуҙыуы менән аңлата: Алжир үҙенең һауа киңлектәрен француз Хәрби һауа көстәре ҡарамағына тапшырҙы һәм Мали сиген япты.