АҠШ: Миссисипиҙа торнадо.

Миссисипи штатына ябырылған торнадонан, кәм тигәндә, 13 кеше зыян күрҙе. Ҡойон Мэрион округы һәм шунда урынлашҡан Хэттисбург ҡалаһы аша үтте. Форест округы ла ныҡ зыянланы: йөҙҙәрсә йорт емерелде, автомобилдәр ватылды. Торнадо ҡойма ямғырҙар менән бергә килде. Штаттың ҡайһы бер райондары электрһыҙ ҡалды.

АҠШ-тың төньяҡ- көнсығыш райондары, йома көн күп итеп яуған ҡарҙан һуң, саҡ хәл алып килә. Нью-Йорк, Нью-Джерси, Коннектикут, Массачусетс  һәм башҡа штаттар ҡарға күмелде. Милфорд ҡалаһында ҡар ҡатламы 90 сантиметрҙан ашып китте. 9 кеше ҡар бурандары ҡорбаны булды. Электр энергияһыҙ ҡалған 700 мең американлы һыуыҡта утһыҙ ултырҙы. Ҡарҙың күп яуыуы аэропорттарҙың эшен тотҡарланы, меңләгән рейс кисектерелде.