Мысырҙағы
яңы сыуалыштар тулҡыны баш ҡалаға ла барып етте. Тиҫтәләгән йәш егет илдең эске эштәр министры йортон яндырырға маташты,
әммә һаҡсылар уларҙы ҡыҫырыҡлап сығарҙы. Ҡайһы бер райондарҙа сыуалыштар
ҡуйырып китте- полицияға таштар, яндырғыс ҡатнашма һалынған шешәләр осто, яуап итеп тәртип һағында тороусылар йәш ағыҙғыс газ ҡулланды.
Эске эштәр министрлығы хәлдәрҙең ҡырҡыулашыуында футбол
фанаттарын ғәйепләй.
Сыуалыштар йәкшәмбе Порт- Сәидтә, урындағы стадиондағы
фажиғәлә ғәйепле тотҡондарҙы икенсе төрмәгә күсерергә ҡарар иткәс башланды. Бер
йыл элек, футбол матчынан һуң ҡыҙып киткән алышта, 70-тән ашыу көйәрмән һәләк
булғайны. Ғинуарҙа ул эшкә ҡатнашлығы булған 21 кеше үлем язаһына хөкөм ителде,
ә был иһә бығаса күрелмәгән болалар башланыуға сәбәпсе булды.
Порт-Сәидтәге 3 көн барған сыуалышта 6 кеше һәләк булды. Атып
үлтерелгәндәрҙең өсәүһе- полицейский. Шул уҡ ваҡытта ҡала халҡы провокацияла
тап эске эштәр министрлығын ғәйепләй.
Комментариев нет:
Отправить комментарий