среда, 22 мая 2013 г.

Меркелдең уйламай шаяртыуы Германия һәм Венгрияны талаштырҙы.



Германия һәм Венгрия, сәнскеле һүҙҙәр әйтешеп, араларҙы һыуытып ташланы. Премьер-министр Виктор Орбан канцлер Ангела Меркелдең сәйәсәтен нацистарҙыҡы менән сағыштырҙы, дөрөҫөрәге 1944 йылда Гитлер армияһының Венгрияға баҫып инеүен иҫкә төшөрҙө.
Дипломатик ғауғаға Ангела Меркелдең киләһе һайлауҙарҙағы ярышташы социал-демократ Пеер Штайнбрюк  күмәк халыҡ алдындағы дискуссияла һис уйламағанда ойотҡо һалды. Ул “диктатор режимына табан тәгәрәгән Венгрияны ЕС-тан сығарып ташларға”саҡырҙы. Меркель  Будапешты яҡлап шаяртырға маташты:”Был илде дөрөҫ юлға сығарыу өсөн, бөтәһен дә эшләргә кәрәк. Шунда уҡ кавалерия ебәреү кәрәкмәҫ.”
Шаяртыу килеп сыҡманы. Будапешт яуапты оҙаҡлатманы, Орбан шуны иҫкә төшөрҙө: “Танкылар рәүешендәге кавалерияны Германия ебәргәйне инде.”
Нимә булыры әлегә билдәле түгел. Лидерҙар шаршамбы көн Евроберләшмә саммитында осрашырға тейеш.

Комментариев нет:

Отправка комментария