Барак Обамаға ағыулы хат ебәрелгән.

Янауҙар һәм рицин ағыуы менән АҠШ президенты Барак Обамаға хат ебәрелгән. Америка киң мәғлүмәт саралары хәбәр итеүенсә, улар уҙған аҙнала Нью-Йорк мэры Майкл Блумбергҡа тәғәйенләнгән ике хатҡа оҡшап тора. Мәғлүмәттәр буйынса өс хат та -Береһе Обамаға һәм икәүһе Блумбергҡа -20 майҙа Американың Луизиана штатындағы Шривпорт ҡаласығынан ебәрелгән.