Меркель социаль программалар вәғәҙә итә.

Германиялағы парламент һайлауҙарына өс ай ҡалғанда, ФГР канцлеры Ангела Меркель үҙенең Христиан-демократик фирҡәһе программаһын иғлан итте. Бюджет менән ҡыйынлыҡтар булыуға ҡарамаҫтан, консерваторҙар һалымдарҙы күтәрмәҫкә, әммә шул уҡ ваҡытта ҙур сығымдар талап иткән социаль программаларҙы тормошҡа ашырырға, шулай уҡ Евроберләшмәлә немец теленең статусын күтәрергә вәғәҙә итә. Оппозицияның фекере буйынса, был программаларҙы финанслау мөмкин түгел.