Талиптар Пакистандағы төрмәнән 300 тотҡондо азат иткән.

Уҙған төндә“Техрик Талибан-и-Пакистан”радикаль исламистар төркөмө боевиктары Пакистандың төньяҡ-көнбайышындағы Дера-Исмәғил-Хан төрмәһенә һөжүм иткән.

Дера-Исмәғил-Хан “Әл-Ҡаиҙә” һәм “Пакистан талиптары хәрәкәте” боевиктары терәге булып һаналған ике ҡәбилә ере сигендә- Көньяҡ һәм Төньяҡ Вәзиристан сигендә урынлашҡан.

Тәүҙә боевиктар төрмәне электр утһыҙ ҡалдырған, аҙаҡ ҡойма тирәләй 15-ләп шартлау ойошторған һәм һаҡсыларға ҡаршы гранатометтарҙан һәм ауыр пулеметтарҙан ут асып, емерелгән стена аша төрмәгә бәреп ингән.

Талиптар вәкиле Шаһидуллаһ Шәһит белдереүенсә, һөжүм һөҙөмтәһендә 300 самаһы тотҡон азат ителгән.