Брэдли Мэннинг 35 йылға хөкөм ителгән.

Брэдли Мэннинг 35 йылға хөкөм ителгән- шаршамбы көн АҠШ суды “Викиликс” информаторына шундай яза бирҙе. Июль аҙағында элекке хәрби хеҙмәткәр ауыр енәйәттәр эшләүҙә, шул иҫәптән шпионлыҡта һәм дәүләт милкен урлауҙа ғәйепле тип табылды. Шул уҡ ваҡытта суд уны  дошманға ярҙам итеү кеүек етди ғәйепләү эше буйынса аҡланы. Мэннинг, киң мәғлүмәт сараларында баҫтырып сығарыу өсөн, Америка хөкүмәтенең йөҙҙәрсә мең йәшерен документын тапшырған.